【Now財經台】截至早上11時止，過去1小時內《彭博》用戶搜尋量最多港股，依次為西部水泥(02233)、濰柴動力(02338)、中國宏橋(01378)、中國平安(02318)、泡泡瑪特(09992)。
西部水泥發盈喜，預期去年多賺最多43%至近9億人仔，集團中期純利7.48億人仔，意味去年下半年最多賺1.47億人仔，雖然唔使蝕錢，但表現同上半年差好遠，點睇西部水泥基本面及前景？
香港股票分析師協會副主席曾永堅指，西部水泥去年下半年盈利表現走樣，同非現金項目收購有關，不過，集團實質營運業務嘅基本面都唔樂觀，因為公司主要業務集中喺陝西省，而內地樓市一直冇乜起色，削弱發展商起新樓嘅意欲，對西部水泥有直接影響。
Jasper又話，地方政府冇足夠財力重啟基建項目，亦令水泥行業前景唔樂觀，令基本面每況愈下，若西部水泥股價未來上唔返2.37元水平，相信股價有進一步回落壓力。
