【Now財經台】截至早上11時止，1小時內《彭博》搜尋量最多港股，依次為新世界發展(00017)、小米集團(01810)、ASMPT(00522)、創科實業(00669)及中遠海能(01138)。
中東戰事持續困擾大市，最新戰線係霍爾木兹海峽(Strait of Hormuz)爭奪戰，航運股連日大幅波動，中遠海能股價今日(4日)一度暴瀉34%，低見13.76元，點睇航運股後市？
資深證券分析師彭偉新指，船隻一旦進入霍爾木兹海峽，好大機會受襲，即使買咗保險，亦已經受保，如果最後船隻被破壞、沉船唔係淨係賠錢就算，更嚴重係流失定單，而造過1隻新船，由落單至完成交貨最少要3年時間。
Castor又話，貨船進入危險地區風險大，甚至影響公司未來幾年整體收入，依家進入波斯灣嘅船隻唔多，有啲已經「兜路行」，對運油、能源相關嘅中遠海能敏感，相關股份亦更傾向保障自身資產安全而停泊，等情況好轉再啟航。
