【now.com財經】噚日揀咗隻海油牛(59937)出嚟，主因簡單，就係美伊戰爭不會喺短時間內停火之下，油價被推高，從而揀隻主力於上游業務aka受惠於油價較多嘅中海油(00883)出嚟。
不過都唔係即衝入去，皆因出文時有見股價向下往小時圖10線走，如果守得到10線嘅，咁隻(59937)就出動；不然用返Slow STC(14.3)做Swing嚟出好倉都可以。
出文後都有等緊入市位，但11點小時圖Update後有見股價出「十字星」後重新向上抽高，進取mode見「十字星」出現而出隻(59937)的話係可以，只不過呢個方法無喺噚日嘅文度mark底，所以【月度報告】都唔會count呢一注。
今朝見恒指開升，抽返上26000點以上開市，而中海油股價今日都有見上到27蚊以上位置，但開市後股價都有隨指數見高開低走，暫時日線圖嘅形態上有出現「射擊之星」物體，係個燭身比較肥咗少少，但過一晚夜都有見隻(59937)證價有所高走，短偷一晚嘅話(59937)都可以繼續Hold，但要同時睇埋日線圖嘅走勢。
睇返指數。今朝喺作戰室都係無Plan到順U盤方向出好倉，因為下方牛證實在太多嘅同時，上方熊證好遠，即使世界和平、純用街貨去衡量嘅話，都係比較適合出淡倉捉指數重新向下，往街貨方向走。
10點未到指數已經升轉跌，作戰室第一注淡倉爬格仔都已經有著落。
換小時圖見指數目前仍然處於10線同保歷加底線之間上落，今朝開市口價擺位比較靠近上方10線位，開市後升轉跌見落過噚日下半場嘅低位後，開始有見於26000點似喘定，Slow STC(14.3)兩線已經處於超賣位唯仍保持向下。
10線後有見指數再向下走，不過五分鐘圖開始要變去睇保歷加通道口拓闊程度，因為Slow STC(14.3)已經到超賣位。
恒指熊(67110)，收回價26382點，同現價有約455點距離，槓桿有約55.4倍，你都留意保歷加通道口，有見拓闊就即係比位指數再向下嘅同時，Slow STC(14.3)亦有條件迫佢出超賣再超賣；否則指數觸底上行嘅話，就用返平時做Swing Trade出淡倉嘅方法做一趟觸頂向下嘅Swing啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
