【Now財經台】美的集團(00300)昨日(29日)收市後出咗業績，雖然第4季收入、毛利率按年要跌，但按季睇就回升，現時美的海外市場佔比達40%，點睇公司前景？
王道資本及家族資產管理執行董事黃敏碩指，美的前景可以睇高一線，首先，以季度睇，品牌喺海外市場營收有唔錯增長，其次係品牌開始發掘一啲第二增長曲線，包括樓宇科技、機械人、自動化營售，呢啲都係配合返工業化求變、轉型，能提升效用、收益。
Michael又話，集團正積極布局人工智能(AI)資料中心相關項目，仲同英偉達(Nvidia)生產鏈有關，可以助力全球AI交付，集團唔再局限於家電。
