【Now財經台】聯想集團(00992)今日(12日)中午出咗業績，上季收入創新高，但毛利率微跌，集團3大業務收入則錄得雙位數增長，其中，人工智能相關收入按年大升72%，佔總收入32%，AI係咪會成為聯想未來主要增長動力？
艾德金融執行董事陳政深認為，「海神液冷」嘅基礎設施支援，對整個AI運作鏈有關鍵作用，不過，聯想好難單靠「海神液冷」帶動盈利。佢又指，「海神液冷」實現超高速增長，按年大升3倍，反映市場對AI需求大，因此，聯想只要係呢個範疇上扭虧為盈，再連同ISG業務保持增長，相信業績會愈做愈好。
Ryan又指，雖然聯想預測市盈率(PE)不足9倍，但股價仍有吸納價值，8.5元亦有支持，現階段可以考慮入手。
