【now.com財經】有近30年歷史嘅小南國品牌，2012年喺香港上市，呢間老字號突然傳嚟壞消息，市傳上海小南國(03666)旗下多間位於上海嘅「小南國」餐廳，突然全部結業，受傳聞拖累，上海小南國股價今日(10日)暴瀉，一度低見0.025元，瀉逾28%，最新報0.028元，仍重挫20%。
集團全盛時期有過百間分店，值得留意係，睇返公司去年中期業績報告，依家香港已經冇「上海小南國」及「南小館」品牌經營嘅門店。
據內地《藍鯨新聞》報道，從唔同消費者得知，多間喺上海嘅「小南國」餐廳突然停業，客人已畀咗嘅年夜飯訂金、儲值卡餘額都退唔到錢，但報道指，珠海及無錫加盟店仍正常運作。
