【Now財經台】截至早上11時止，過去1小時內《彭博》用戶搜尋量最多港股，依次為快手(01024)、中國平安(02318)、信達生物(01801)、中國人壽(02628)、騰訊控股(00700)。
快手因直播間出現色情內容處理不當，被國家網信辦罰款逾1億人仔，雖然快手話接受及進行整改，但股價今日(9日)仍逆市跌，一度挫逾5%，低見67.5元，但呢筆罰款相對公司收入佔比唔大，點解股價仍然跌到咁？
富昌證券聯席董事譚朗蔚指，大家可能覺得利淡消息靴子落地，但股價反映市場唔止關注罰款問題，佢又話，最近多個行業都受監管部門關注，唔多唔少令市場擔心，亦令整體科技板塊及平台經濟受壓，喺市場唔太明朗之下，相關股份近期都跑輸大市。
技術走勢方面，Stevan認為，73元係快手股價一個關鍵位，今日沽壓都集中喺73元樓下，佢建議，暫時宜先觀望，等股價收復73元，有回穩跡象再部署。
