【Now財經台】天齊鋰業(09696)昨日(4日)開市前停牌，期間公司宣布配股兼發CB，除此之外，仲有兩份通告，包括修訂字眼及劃出售智利礦業化工(SQM)股權。天齊今日(5日)復牌股價大跌，一度低見42.7元，大跌近14%，股價點解跌到咁？
耀才證券研究部總監植耀輝認為，配股集資好正常，但發CB嘅行使價同停牌前個價相差唔大，反映市場對鋰相關範疇睇法審慎，令公司嘅CB定價唔敢太進取，加上鋰價向下，3大原因都令天齊股價今日大冧。
Stanley又話，雖然鋰價依家每噸約15萬元，較2022年同期嘅60萬元低好多，但佢估計，未來會有再升空間。不過，由於同業競爭仍然好大，雖然天齊今日大跌，所以暫時唔建議投資者考慮。
