【Now財經台】內地鋰離子電池出口數據由跌升，帶動贛鋒鋰業(01772)等上游股回暖，雖然摩根士丹利預期，出口短期將會激增，但高盛估計，今年下半年隨時供過於求，更重申贛鋒及天齊鋰業(09696)嘅「沽售」評級，點睇供應增加嘅潛在負面因素？
高歌證券金融首席分析師聶振邦指，內地將會喺2026年4月下調鋰離子電池增值稅出口退稅率，新例實施後，短期會對上游行業有提振作用。此外，除咗手機設備及新能源汽車，機械人產業嘅蓬勃發展亦有望帶動鋰電池需求，相信產能過剩對鋰業嘅實際衝擊，未必好似預期咁大，所以仍對整體鋰業前景樂觀。
聶Sir又話，贛鋒短期利好因素較多，投資者可以先留意股價今個星期企唔企得穩60元，建議要觀察1至2個交易日，唔需要心急沽貨。佢續指，投資者亦可以考慮現價入手，如果想再謹慎啲，亦可以等落到56至57元再考慮。
