【Now財經台】百勝中國(09987)昨日(4日)交咗一份好過預期嘅業績，刺激股價今日(5日)一度大升近11%，高見435.4元，更一升到尾，去年第4季收入按年增長9%，純利按年增長24%，全年就多賺2%，雖然上季增長強勁，但集團今年指引偏向保守，預期同店銷售增長介乎零至2%，睇返依家嘅市道，最終可唔可以達標？
艾德金融執行董事陳政深指，百勝中國擅長供應鏈管理，但都睇得咁保守，反映依家嘅經營環境十分嚴峻。
Ryan又指，唔同省份嘅消費及利潤都唔同，對於做同質化業務嘅百勝中國嚟講係一個挑戰，加上佢哋門店咁多，又計劃今年再開多1900家門店，外賣滲透率高及會員基數大，因此，一旦市道突然逆轉，佢哋可以喺呢個指引下，有一個較大嘅應對空間，就會更易達標。
