【now.com財經】馬斯克(Elon Musk)將旗下美國太空探索技術公司SpaceX，同人工智能(AI)企業xAI合併，整合AI及太空業務，亦成為全球歷來最大宗併購，之後將會部署估值高達1.25萬億美元嘅超級巨無霸IPO，更重要係實現「AI上太空」。呢個超級Project亦引爆一股商業航天投資熱，唔止美股，其實亦可以喺港股尋寶，暫時都有幾隻「掹到車邊」嘅概念股。
1.亞太衛星(01045)
業務:主要提供衛星廣播、電訊服務等，並擁有及營運多枚通訊衛星，提供廣播、通訊及數據傳輸服務。
股價:過去1年累升逾1倍，今年以來就累升逾16%。
2.金風科技(02208)
業務:主要做風力發電設備，但部分技術，特別係可以適應極端溫差嘅材料，都可以用喺航天設備。
股價:過去1年累升近1.9倍，今年以來就累跌10%。
3.鈞達股份(02865)
業務:本身係一家光伏企業，但公司上月同尚翼光電簽署策略合作協議，雙方會就鈣鈦礦電池技術喺太空能源應用有合作。
股價:過去1年累升近70%，今年以來就累升逾1倍。
