【Now財經台】內地能量飲品製造商，新股東鵬飲料(09980)今日(26日)開始招股，近年市場對能量飲品安全存疑，導致集團呢瓣收入減少，雖然毛利率保持40%以上，但點解仍低過同類嘅農夫山泉(09633)及華潤飲料(02460)，到底抽唔抽得過？
高歌證券金融首席分析師聶振邦認為，由於東鵬主要銷售能量飲料，原材料成本嘅控制空間有限，所以毛利率較低，加上內地能量飲料普及性低，影響銷售嘅議價能力，可能要等公司推出更貼合大眾化口味嘅果汁產品，同埋要2至3年時間去轉型，先可以提升到毛利。
聶Sir又話，東鵬A股跌咗落嚟，加上睇埋市盈率(PE)、市帳率(PB)及市銷率(PS)，都會令公司估值較吸引。佢提醒，即使東鵬有供求炒作，但由於已上咗A股，估計會限制咗H股升幅，所以用現金抽會好過借孖展。
