【now.com財經】上個星期五揀定咗隻好倉出嚟，諗住出文後會見到指數差唔多落到小時圖10/20線先到支持啦，誰不知無支持不得止，連喺五分鐘圖Slow STC(14.3)搵個位出嚟做觸底嘅Swing，等到下半場開市之後都沒有，疊埋心水等收市；不過作戰室係有淡倉開出，借五分鐘圖10線同保歷加底線夾住指數向下，直至到指數上破10線為止。
睇返日線圖，已經連續四日指數上到27,000點樓上但係收市計都係要碌返落去27,000點樓下，由原先嘅「楔形」變成「圓底」上到頸線遇阻嘅形態，依家9點19分見期貨跌緊200幾點，已經Mark定日線圖嘅10/20線。
今朝睇新聞都真係見世界大亂，呢度打仗未完嗰度又示威，一陣嗰邊聯合抗議...怪不得啲金價你咁搶高，作戰室係有戰友一直Keep住隻SPDR金ETF(02840)嘅Call，唯之前走咗但想上返車，見(02840)單位價格一直向上走無回過咁滯，唔通連(02840)都玩「有買貴、無買錯」?!
恒指今朝低開203點，開市計26,641點之後有見再向下走，開市後唔駛1分鐘將26,600點都隊穿埋，即係熊證首兩層街貨都已經全數被收回，而重貨牛亦因此由第四層街貨位向前移至第二層街貨位，作戰室今朝都以淡倉作，但第一注往往都係試水溫mode，所以都係數住格仔咁做。
博下行嘅係純綷往街貨方向走，但都真係要小心依家9點51分，五分鐘圖Slow STC(14.3)開始出觸底上去，如果出文後到你睇完時見到佢保持向上嘅話，咁恒指牛(54214)，收回價26,200點，同現價有近400點距離，槓桿約53.2倍於同一收回價中槓桿最高，睇下借唔借到五分鐘圖Slow STC(14.3)Swing Trade觸底上行啦；最理想更係借到小時圖Slow STC(14.3)觸底上+見低位出「十字星」啦。
至於隻(02840)我都想重新再捉多次，不過...我都係等佢回一回先。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
