【Now財經台】截至早上11時止，1小時内《彭博》用戶搜尋量最多港股，依次為聯想集團(00992)、智譜(02513)、恒生銀行(00011)、舜宇光學科技(02382)及新世界發展(00017)。
受惠於儲存記憶體價格大幅上升帶動下，南韓三星電子(Samsung Electronics)最新出咗第4季初步業績，其中，經營溢利大升約2倍，創新高，但另一邊廂，聯想及舜宇就因成本上升拖低股價，對業績有幾大影響？
香港股票分析師協會副主席曾永堅認為，聯想及舜宇處於手機設備廠商下游位置，因此，可能要硬食儲存記憶體供不應求增加嘅成本，到時毛利一定首當其衝。
Jaseper又指，若聯想未來喺人工智能(AI)應用有增無減，高昂嘅成本或要轉嫁畀客戶，但佢認為，聯想股價已反映咗未來有潛在加價壓力，因此，相信8.5元會有支持。舜宇方面，毛利受儲存記憶體漲價嘅影響，已抵銷咗其他有利因素，但相信股價喺60元水平會有一定支持。
