【Now財經台】美國總統特朗普(Donald Trump)繼前日(6日)指，已經同委內瑞拉達成新石油協議後，美國能源部長賴特(Chris Wright)昨日(7日)亦宣布，美國會「無限期」控制委內瑞拉石油銷售及收入。美國連日嚟嘅舉動點樣影響全球石油市場及油企？
以立投資管理董事總經理兼投資總監林少陽認為，睇返「三桶油」，中國石油股份(00857)喺委內瑞拉投資嘅資產佔比細，中國海洋石油(00883)就冇業務，中國石油化工股份(00386)有進口委內瑞拉平價原油，所以中海油未來要搵新原油供應，或令成本上升，佢估計，國際油價會隨著預期委內瑞拉石油設施大規模增加而構成下行壓力，帶嚟唔同嘅負面影響。
不過，如果從國際貿易角度去睇，Vincent相信，油價下跌意味能源成本下降，長遠有利全球石油淨入口國未來貿易收支平衡，加上日本及印度等其他新興市場，每年都要進口一定數量嘅石油，國內化工行業成本亦會下降，都會帶動整體發展。
