【Now財經台】內地當局又提及網絡平台和直播電商監管，相關股份即市反應負面，阿里巴巴(09988)一度挫逾4%，快手(01024)亦挫近4%，低見72.5元，呢規條睇落都唔係新鮮事，今次又再提起，對投資氣氛有冇影響？
信達國際研究部助理經理陳樂怡指，規則多但大方向不變，著重唔同持份者利益，整頓環境趨向平穩，而消費者價格敏感度高，容易流失，反而搶客或成焦點，電商平台股回套，相信同大市回調、投資者鎖定利潤有關，監管消息反而冇咁大打擊。
Tracy又話，快手近期消息好壞參半，網絡攻造成嘅違規內容好快修正，除非之後用戶增長或監管成本上升，否則，短期憂慮唔大，加上人工智能(AI)模型實力強，性價比有優勢，股價短線回調，但始終基本面撐得住，估值都吸引。
