【now.com財經】過兩日就係聖誕節，坊間一直有句經典諺語「聖誕鐘買滙豐」，但今年會唔會係「聖誕鐘沽滙豐」？
滙豐控股(00005)股價今年已累升約60%，過去1個月都累升逾10%，睇返走勢仍然係強勢向上，雖然大市今日(22日)繼續悶局，但滙控仍升到逾1%，升穿120元關口，睇返技術走勢，暫時仍預示後市仍會向好，應有力進一步挑戰更高水平。
不過，值得留意係，上周五(19日)早段有約1000沽盤，係120元排隊出貨，喺年底趁有可觀利潤先行獲利離場，而呢批沽盤涉資逾2億元。
此外，有分析師認為，雖然滙控有機會再破頂，有貨可以繼續揸，但如果冇貨就唔建議現價高追，始終股價今年升咗好多，估值已經唔平，另一方面，集團計劃私有化恒生銀行(00011)，未來或會影響業績，而回購進度係另一個需要關注嘅問題，呢啲風險都要留意。
