【now.com財經】來自瑞典嘅Fast Fashion品牌H&M，喺2013年本港舖市剛步入高峰期時，以天價月租1000萬元，租咗恒隆地產(00101)旗下恒隆中心商場部分4層，合共4.6萬平方呎樓面，打造成集團旗艦店，更一度成為全亞洲最大嘅旗艦店，不過，市傳呢間旗艦店將會同大家講再見。
有媒體報道，H&M有可能會撤出呢間巨無霸旗艦店，並指連鎖藥妝店龍豐將會「接手」地下樓面，月租過百萬，其實2019及2021年都先後傳出H&M想退租。
其實H&M自2021年開始，已不斷縮減本港分店數目，當時全港有13家分店，但依家只剩返銅鑼灣、荃灣廣場及又一城3家分店。
