【Now財經台】截至早上11時止，過去1小時內《彭博》用戶搜尋量最多港股，依次為中國平安(02318)、李寧(02331)、友邦保險(01299)、紫金黃金國際(02259)及萬科企業(02202)。
平保股價今日(15日)以1支大陽燭再破頂，一度升近4%，高見66.25元，升上約4年半高位，計埋呢幾年派息，60元樓上買入嘅蟹貨唔少都鬆綁，應該趁鬆綁走貨，還是繼續坐？
富昌證券聯席董事譚朗蔚指，平保本業及新業務價值連續幾個季度表現都好好，相比同業，平保有資投A股，所以有呢方面收益優勢，所以值得睇好。
Stevan建議中長線投資者不妨繼續持有，尤其幾年前連本帶息已「返家鄉」嘅投資者，可以繼續睇好，但短炒就要留意，由於短線嚟講較貴，建議等落返60元水平再吸納。
