【Now財經台】金價今日(15日)再度企穩每盎司4300美元以上，迫近歷史高位，帶動SPDR金ETF(02840)今朝逆市升，一度高見3099美元，升上逾1個月高位，暫時SPDR金ETF活躍嘅CALL行使價約3200美元，比較貼價，睇好金價走勢，應該買SPDR金ETF產品，還是其他金礦股產品？
法興銀行證券上市產品銷售部董事周翰宏指，若純粹睇好金價走勢，買SPDR相關窩輪較合適，始終金礦股唔一定跟足金價行，暫時資金傾向揀價外及較低價產品，價外條款有較多資金願意坐貨，不過，由於金價變化唔算好大，因此，揀價外約10%、行使價約3300美元至3400美元嘅條款，已經有足夠上升空間，明年4至5月到期嘅產品，時間值損耗較溫和，槓桿做到約10倍。
