【now.com財經】雖然中央大力「反內捲」，但部分行業內捲競爭似乎仍然嚴重，當中包括茶飲行業。據內媒報道，喜茶喺1年內全國分店大減680家，又指集團今年初已經叫停加盟，原因係唔想再參與呢場「內捲遊戲」。其實集團早於今年2月已經提及，新茶飲行業嘅「數字遊戲」已經走到盡頭，冇意義嘅價格、營收、規模內捲，正嚴重消耗用家對新茶飲嘅喜愛。 值得留意係，在港上市嘅茶飲股今早(12日)顯著造好，唔知係咪同對手縮舖，競爭少咗有關。
茶百道(02555)最新報7.14元，升5.4%。
奈雪的茶(02150)最新報1.07元，升2.8%。
滬上阿姨(02589)最新報88.15元，升2.4%。
蜜雪集團(02097)最新報409.8元，升1.7%。
古茗(01364)最新報24.8元，升0.2%。
