【Now財經台】中興通訊(00763)繼同華為奪得越南5G合同，以及推出支持64張GPU嘅超節點伺服器後，今日(1日)再傳出集團跟字節跳動(ByteDance)旗下豆包合作，推出人工智能(AI)手機，喺AI物理限制帶來嘅投資機會呢個背景下，中興係咪可以受惠？
高歌證券金融首席分析師聶振邦指，華為及中興攞到越南5G合同，業務可直接受惠，中興推出支持64張GPU超節點伺服器，可提升AI生成圖像及影片效率，促進AI業務發展。
聶Sir續稱，呢啲利好消息帶動，一定對中興有憧憬，事實上，股價喺11月底已逐步回升，估計今個月有機會升至39元水平，但要升穿40元，就要有更多利好消息先可以成事。
