【Now財經台】截至早上11時止，過去1小時內《彭博》用戶搜尋量最多港股，依次為中國人民保險集團(01339)、新世界發展(00017)、美團(03690)、江西銅業股份(00358)及萬科企業(02202)。
市傳鄭家純家族有意出售部分瑰麗酒店(Rosewood Hotel)資產，酒店營運狀況幾好，今次計劃出售資產係咪財政狀況仍未改善？
富昌證券聯席董事譚朗蔚認為，依家整體住宅及商業市場都走出谷底，表現好轉，相信Rosewood呢類優質嘅國際品牌會賣到一個好價錢。
Stevan又指，集團擬出售Rosewood部分資產，係貫徹過去一段時間嘅發展方針，透過出售資產套現減債、增持現金等。股價方面，近期新世界股價震盪向上，但值得留意係，新世界已經喺7.1元水平橫行咗3個月，短炒要小心風險。
