【Now財經台】今日(28日)係港股11月最後一個交易日，恒生指數反覆向下，資源股喺10月跑出，11月就係康師傅控股(00322)、中通快遞(02057)等跑出，係咪反映應該揀超落後股買？12月又應該點部署？
獨立市場策略師何啟聰指，睇返唔同股份及板塊喺11月表現分化，股價升跌部分原因同公司自身因素有關，例如中通快遞因為季績唔錯而受追捧，康師傅就因為競爭對手表現差而受惠，基本上都同獨立因素有關。
Ivan又估計，12月下旬以後，資金開始為明年進行調配，有唔少投行、券商都話內地科技股估值吸引，股價持續回落，又指未來仍有唔少憧憬，因此，可以考慮季績唔錯嘅股份如騰訊控股(00700)做中線部署。
