【now.com財經】昨日(27日)開市前停牌嘅麗新國際(00191)及麗新發展(00488)發公告，指正就若干擬出售事項，跟潛在買家繼續傾緊，但暫時仲未就潛在交易訂立正式協議，所以有可能又或者未能落實。呢單潛在嘅Deal，估計係講緊之前市傳集團想賣嘅中環建設銀行大廈50%權益，雖然據通告形容只係「五五波」，但「麗新孖寶」今朝(28日)復牌，股價齊齊炒上。
麗新國際高開18%，開市報0.65元，其後一度高見1.1元，勁升1倍，最新報0.8元，暫時成交逾100萬元。
麗新發展高開20%，開市報0.78元，見咗暫時即市高位，之後升幅不斷收窄，最新報0.66元，僅升1.5%，暫時成交逾39萬元。
