【now.com財經】麗新國際(00191)及麗新發展(00488)聯合公布，後者已就出售位於中環嘅中國建設銀行大廈50%權益，同買家訂立買賣協議，但未有詳細透露買家身份，僅披露係一家叫JID IV嘅公司，如果睇返京東集團(09618)收購德國零售商Ceconomy嘅交易文件，JID IV係京東控股股東嘅子公司。麗展就話，今次出售後，公司財務狀況將大幅改善。麗展股價今朝(10日)逆市炒上，但僅約20分鐘就打回原形。
麗展高開4.7%，開市報0.66元，其後一度高見0.7元，大升11%，之後升幅不斷收窄，最新報0.63元，無升跌，暫時成交逾37萬元。
