【Now財經台】翠華控股(01314)、大家樂(00341)及大快活(00052)已先後派咗中期成績表。此外，中式麵店遇見小麵(02408)今日(27日)開始招股。呢3份成績表都受薪酬開支影響，依家本地餐飲企業員工成本普遍佔整體開支逾30%，呢個問題係咪好難解決？
艾德金融執行董事陳政深指，上述提及呢4家公司嘅員工成本，佔收入比重介乎逾22%至34%，其中，最致命係管理層嘅人工，年薪可以高達1500萬元，就算相對細間嘅遇見小麵亦都係咁上下。
Ryan又話，相對於對手，由於大家樂規模更大，因此，人工及人力資源成本控制方面較理性，其餘3家規模相對細就要喺著手控制呢方面嘅成本，先有機會解決問題。
