【now.com財經】據《彭博》數據顯示，昨日(19日)起至今年底，有28家公司嘅限售股「解禁」，呢批股份總值逾1900億元，其中，寧德時代(03750)今日(20日)有近50%或逾7700萬股，由IPO基石投資者持有嘅限售股今日解禁，股價應聲插水。
寧德時代股價今朝平開，開市報512元，見咗暫時即市高位，其後一度重挫逾8.7%，低見467.2元，中午收市報470元，大跌逾8%，半日成交逾45億元。
不過，有大行認為，寧德時代因「解禁」導致股價下挫，反而係逢低吸納嘅好時機，因為睇好能源儲存系統熱潮可延續至2026年。
