【Now財經台】今年港股首次公開招股(IPO)集資額重奪全球No.1，今年已經有逾百家公司上市，另一方面，過去兩個月，港股迎來限售股解禁高峰，上月有今年新股集資王寧德時代(03750)率先解禁，臨近聖誕至年底有最少9家公司嘅現有股東、上市前投資者或基石投資者嘅禁售股解禁，包括曹操出行(02643)、周六福(06168)及IFBH(06603)等，點評估呢啲股份解禁後走勢？
天風國際李偉傑指，以周六福為例，雖然股價要跌，但現價仍遠高過招股價，所以資金會先部署獲利，而假期後係咪值得撈底，就要睇返核心業務表現，但公司中期業績只係平穩，唔算有好大增長空間，不妨先等股價及業績穩定後再做部署。
Jason又話，雖然IFBH今日(23日)微跌，但暫時仍要「潛水」，資金或會博技術性反彈，唔會蝕住沽，所以拋售壓力相對細。
