【Now財經台】吉利汽車(00175)今日(17日)中午出咗第3季業績，上季收入創季度新高，其中，新能源汽車銷量按季升15%至44.3萬輛，呢份季績收唔收貨？
資深分析師聶振邦認為，吉利第3季嘅銷量、收入及純利都錄得雙位數增長，表現相當唔錯，其中，純利按年增長60%，業績明顯有改善，整體表現收貨，明年業務發展可以睇得較樂觀。
聶Sir又提及，依家新能源車佔吉利銷量略多於一半，如果想業績表現更理想及穩定，就要致力將佔比提升至70%或以上，當高端汽車銷情理想，未來就可以更有效抗衡行業「內捲」，長遠就唔使再靠打價格戰打低對手。
