【now.com財經】投資大行摩根士丹利(Morgan Stanley)因為參與紫金黃金國際(02259)今年9月喺香港嘅IPO，遭美國國會議員「秋後算帳」？
據《彭博》報道，美國眾議院中國特設委員會共和黨籍主席質疑大摩，喺紫金黃金IPO有冇做好盡職審查，眾議員John Moolenaar昨日(13日)寫信畀大摩總裁Ted Pick，要求提供交易相關文件，同埋通訊紀錄。
事件關鍵落喺紫金黃金母公司紫金礦業(02899)身上，因為紫金被美國列入「黑名單」，John Moolenaar質疑大摩做盡職審查時，有冇充分考慮埋呢個因素，又質疑呢單Deal係咪旨在將紫金喺海外嘅黃金資產，整合到一個獨立個體。
