【now.com財經】2014年喺香港成立，2018年成為獨角獸企業嘅旅遊及體驗平台Klook宣布，已申請將美國預託股份(ADS)安排喺美國紐交所上市。
據《彭博》引述消息人士指，Klook美國IPO最多籌5億美元，折合約39億港元。據招股文件顯示，高盛、摩根大通及摩根士丹利會出任今次IPO承銷商，今次發行規模及發行價格區間暫時仲未確定。
Klook投資者都好有「星味」，包括軟銀(SoftBank)、高盛及紅杉資本等，依家集團喺18個市場合共有25個office，員工人數唔夠2000人。
業績方面，今年首9個月收入按年增長逾40%至逾4億美元，但虧損擴大65%至逾1.4億美元。
目前，Klook主要對手包括內地嘅攜程集團(09961)、南韓嘅Yanolja，同埋Booking.com及Expedia等全球旅遊預訂網。
