【Now財經台】小米集團(01810)股價今早(20日)反彈，一度升3.5%，高見47.58元，但小米股價上周已累跌近12%，仲跌穿埋50周線，亦未補返4月嘅上升裂口，如果睇淡小米，PUT輪值唔值博？
滙豐亞太區財富管理香港上市產品銷售經理盧貴良認為，中美貿易爭端、手機及汽車銷售等負面消息，都令投資者傾向部署淡倉。佢又指，雖然有PUT輪可以做到10倍槓桿，但年期較短，建議投資者部署收回價55元、實際槓桿做到7倍嘅熊證比較好。
資金流方面，不論米CALL還是牛證，過去10日有1.3億元資金流入，投資者亦可考慮行使價62元、明年8月到期，實際槓桿做到4倍嘅活躍條款，博小米股價升返今年高位。
