【Now財經台】截至早上11時止，1小時內《彭博》用戶搜尋量最多港股，依次為恒生銀行(00011)、信達生物(01801)、ASMPT(00522)、諾誠健華(09969)及藥明合聯(02268)。
滙豐控股(00005)提出私有化恒生銀行(00011)，滙豐亞洲及中東地區聯席行政總裁廖宜建見傳媒時，指私有化同恒生壞帳冇關，係一個審慎嘅商業決定，又指明白恒生有唔少長期投資者，今次對恒生股東嚟講係一個具吸引力嘅變現機會，但用協議安排方式私有化，需要少於10%嘅出席股東反對先可以通過議案，會唔會有機會過唔到？
香港股票分析師協會副主席曾永堅指，雖然滙控冇講出口，但呢單Deal對恒生壞帳問題嚟講係最好嘅解決方法，以往如果恒生業績好，可以帶動滙控股價，但近年恒生似乎開始變成拖累滙控股價，私有化之後，恒生1.8倍嘅市帳率(PB)相當吸引，滙控亦可以更加靈活處理壞帳，對現有股東嚟講亦係最好安排，相信議案好大機會通過。
