【Now財經台】據報內地「核聚變」技術有新進展，有望喺2030年前採用，核電相關股今日(3日)逆市急升，其中，中國核能科技(00611)及中核國際(02302)一度飆逾20%及23%，分別高見0.7元及6.68元，中核國際股價今年已累升逾2.8倍，今輪炒作係咪可以延續？
紅蟻資本投資總監李澤銘指，牛市期間有時都會炒作核電主題，不過，通常牛市結束後，呢類股份嘅股價及估值會打回原形。佢又話，鈾價今年以嚟累升約5%，過去3至5年，大部分時間都喺每磅70至90美元上落，佢認為呢類股份未來未必會特別受惠。
Alan又話，中廣核電力(01816)係央企，所以核能發電量及電價比較穩定，但進一步上升潛力有限，加上成本穩定，限制咗收入增長。至於中廣核電力屬於穩定公用股，股息只有3至4厘，唔算特別吸引。佢建議，如果要買電力股，可以留意火電或新能源發電相關股。
