【Now財經台】截至早上11時止，1小時內《彭博》用戶關注度上升最多港股，依次為小米集團(01810)、地平線機器人(09660)、新世界發展(00017)、華虹半導體(01347)、微創醫療(00853)。
小米昨晚(25日)舉行發布會前，股價直迫60元關口，但股價今日(26日)喺發布會後回套，利好消息係咪已反映晒？還是發布會冇驚喜令市場失望？
天風國際證券經紀業務部董事李偉傑指，市場的確期待小米會喺唔同科技層面有更多消息，加上晶片方面冇太大方向，市場難免有少少失望，今次發布會焦點落喺小米17系列，但其實家電方面都值得留意，小米家電業務喺內地佔比大，如果業務穩定後向海外拓展銷售，可以成為毛利率新推動力，佢又估計，小米股價暫時未必會大跌，喺55元以上仍有較大支持。
Jason又話，晶片可以成為小米股價催化劑，因為依家市場偏好人工智能(AI)、晶片等相關概念，對家電、汽車銷售等業務憧憬空間冇咁大，如果小米做好本業後，能向呢啲方向發展，例如研發更高技術或量產晶片，相信市場會相當受落。
