【Now財經台】截至早上11時止，1小時內《彭博》用戶關注度上升最多全球股票，依次為奇瑞汽車(09973)、恒生銀行(00011)、紫金礦業(02899)、洛陽鉬業(03993)及小米集團(01810)。
奇瑞今日(25日)首掛，股價一度高見34.98元，較招股價30.75元，高逾13%，集團公開招股超額認購307倍，一手中籤率僅0.67%，奇瑞今次發行2.97億股H股，當中10%在港公開發售，其中一半由13名基石投資者持有，點睇首掛表現？冇機會好似之前部分新股咁，股價未來會被炒高幾倍？
香港股票分析師協會副主席曾永堅指，奇瑞喺汽車市場有一定知名度，汽車產銷量有一定規模，市佔率亦唔細，在自IPO新規下，新股主要炒供求，睇返奇瑞嘅發行規模及街貨量，流通量已經算較高，加上公司有國企背景，大炒家較難入場，因此，股價炒作熱度會較遜色。
Jaseper又話，現時股價表現唔錯，但以34.2元水平嘅上影線睇，資金高追意欲較小，佢估計，34元至34.2元會係短期阻力位。
