【Now財經台】中芯國際(00981)股價已連升3個交易日，市傳集團正測試內地首款國產深紫外線(DUV)光刻機，受消息刺激，中芯股價今早(17日)一度大升近7%，高見67.55元，睇好中芯股價會繼續破頂，CALL輪條款應該點揀？
中銀國際證券衍生產品部董事朱紅指，內地支持晶片發展嘅國策力度會持續加大，加上近期中芯及華虹半導體(01347)A股都有收購合併消息，變相整個行業嘅發展步伐都會加快，所以今年會繼續睇好晶片股。
CALL輪條款方面，佢指出，行使價60元嘅熱門CALL今日已經到價，甚至已變價內，見到唔少投資者換馬去較進取嘅CALL，例如行使價73.8元，2026年2月到期，槓桿3至4倍嘅產品都係熱門選擇。
