【Now財經台】老牌工業股建滔集團(00148)及建滔積層板(01888)，主要業務覆銅面板等，近月市場睇好印刷電路板(PCB)及覆銅板(CCL)股份，加上喺人工智能(AI)引導下，呢啲行業係咪值得睇好？雖然建滔上半年業績一般，而建滔積層板嘅覆銅面板上半年溢利僅按年增長15%，點睇下半年表現？
艾德金融執行董事陳政深指，AI熱潮會推動覆銅面板應用，當中包括高運算伺服器及汽車等領域，建滔本身都強調自動化及研發創新，估計覆銅面板等原材料產品可以受惠。佢又話，睇返2家公司最新業績，雖然營業額僅錄得個位數增長，但盈利仍有雙位數增長，並相對可觀，股價表現亦反映市場需求有增長。
Ryan又補充，建滔及建滔積層板一直有資金吸納，加上有唔錯嘅派息紀錄，以此推斷集團未來業績將會造好。
