【Now財經台】泡泡瑪特(09992)昨日(8日)正式成為恒指分股，股價似乎應驗「染藍魔咒」急挫，插穿300元，股價今日(9日)反覆靠穩。摩根士丹利認為，泡泡瑪特股價急挫因資金趁氣氛好部署沽空，上周五(5日)已有大批資金喺正式「染藍」前夕沽定先，沽空比率逾30%。「染藍」後急挫純粹同技術操作有關，還是基本面轉差？
信達國際研究部董事趙晞文認為，「染藍」並唔係「魔咒」，之前藍籌股疑似中「染藍咒」只係撞正行業基本都處於拐點，令呢啲股份股價不升反跌。
佢續指，睇返泡泡瑪特自身因素，市場喺集團出業績及推出新產品前，已經做咗相關預測，而呢啲因素已提前反映喺股價上，而股份「染藍」後，大批資金部署沽空，令股價產生短期沽壓，呢種情況其實係正常，集團整體基本面冇太大改變。
