【Now財經台】美國設計軟件開發商Figma季績差過預期，股價昨晚(4日)暴瀉逾19%。Figma第2季收入不足2.5億美元，按年增長41%，略低於預期，淨利潤84.6萬美元，去年同期就蝕8.3億美元，意味集團已實現扭虧，但點解Figma股價喺業績後急瀉？Figma賣點係增速高嘅科企，雖然股價短期比較Chok，但亦擔心會走寶，有貨冇貨應該點部署？
獨立股評人黃耀宗指，Figma業績整體唔算太差，只係盈利增長低過預期，尤其市場對呢份業績期望高，所以一旦有少少瑕疵，股價就會受壓。Andy估計，Figma股價跌勢已去到中後段，加上Figma市場滲透率高，盈利應可持續增長，但毛利短期難望有高增長。
Andy又話，投資者不妨再觀察多一兩季業績再做部署，有貨嘅投資者可以繼續持有，但唔建議加注或溝貨。
