【now.com財經】繼蘋果公司(Apple Inc.)供應商之一，從事代工手機玻璃嘅藍思科技(06613)後，再有「果鏈股」計劃來港上市集資。
A股市值高達近2900億人仔，2010年喺深圳掛牌，iPhone及Apple Watch等代工廠嘅立訊精密，計劃嚟香港發H股，集團發公告，指昨日(18日)已向聯交所提交喺境外發H股，同埋喺港交所(00388)主板上市嘅申請。早前，有外媒報道，立訊有意喺香港上市集資最多30億美元，折合約234億港元。
睇返7月初上市嘅藍思科技，股價整體一直呈向上趨勢，若以今日(19日)即市高位23.5元計，上市至今，較招股價18.18元，累升近30%，表現算有交代。
