【Now財經台】泡泡瑪特(09992)股價今日(19日)受壓，平開後曾短暫向上，但其後走勢轉差，一度挫逾4%，低見273元，之後跌幅略為收窄，集團今日會出業績，呢份成績表可唔可以支持公司嘅高估值？如果睇好泡泡瑪特後市，牛證收回價應該點擺位？
胤源世創家族辦公室(香港)第一副總裁黃偉豪指，由於泡泡瑪特股價波幅比較大，所以擺遠啲會更好，股價仍然強勢，喺高位等出業績就要更小心，除非業績有較大驚喜，否則，預期股價走勢會較反覆。
牛證方面，Ravi建議收回價可以擺超過260元，即20天線以上，減低收回風險。
