【Now財經台】騰訊控股(00700)昨日(13日)收市後出咗第2季業績，表現好過預期，放榜後獲多家券商上調目標價，其中，最牛嘅大和睇750元。中資科企本周會陸續派成績表，而騰訊股價昨日收市升逾4%，資金係咪偷步做部署？近年唔少企業都開始研發人工智能(AI)，係咪只要有「AI」呢個字，股份都可以炒得起？
南方東英香港分銷銷售部高級副總裁李溢琳指，的確資金最近都積極部署科企業績期，呢兩個月流入交易所買賣基金(ETF)嘅資金都超過數十億元，加上早前科指近期走勢較弱，因此，有唔少投資者博追落後。
Barbara又話，自今年1月DeepSeek爆紅後，唔少企業都跟搭AI「順風車」，但整體科技股未見明顯升勢，港股嘅科技股較其他市場落後，較美股有較大上升空間，又有足夠市場流動性，加上AI嘅應用和普及程度唔算高，估計未來10至15年都會繼續朝著呢個方向發展，所以AI相關股仍值得睇好。
佢續指，雖然ETF係較穩陣嘅選擇，但如果資金配合、市場氣氛亦仍然熱炒AI，入手個股亦都值得考慮。
