【Now財經台】自美國總統特朗普(Donald Trump)4月向全球發動關稅戰後，中芯國際(00981)股價一度跌至37元水平，至今已回升逾37%，上返50元樓上。特朗普最指，已非常接近跟中國達成貿易協議，其中，市場最關注出口晶片嘅關稅稅率。有分析認為，若美國禁對華出口晶片，只會進一步激發「國產自強」。不過，亦有分析指，限制晶片出口會影響中國科技發展。面對呢啲不明朗因素，應該點部署中資晶片股？
金馬資本交易策略師蘇沛豐指，每次出現中美關係緊張嘅消息，市場就會炒作「國產自主研發」主題，若美國禁止高端晶片出口去中國，投資者就會憧憬中國支持呢啲國產企業，雖然投入資金唔難，但技術追上美國頂尖企業就好困難，所以收窄呢方面嘅差距唔係咁簡單。
佢又話，市場只係投機性炒起呢類股份，升完一浸之後可能好快散水，由於波動性大，投資者必須審慎。
