【Now財經台】美國總統特朗普(Donald Trumo)將會喺未來1周宣布藥品及晶片關稅，但中芯國際(00981)股價未受太大影響，今早輕微高開近0.5%後，走勢反覆，中芯股價近日上返50元樓上，喺10天線爭持，CALL輪或PUT輪應該點部署？
中銀國際證券衍生產品部董事朱紅指，近日市場有唔少芯片利好消息，市場關注中芯可唔可以受惠，所以被資金睇好，較多投資者留意行使價58元嘅CALL，明年3月到期，槓桿約4至5倍。
Niki又話，若投資者認為中芯股價有機會回調，可以參考返行使價42元嘅PUT，明年8月到期，槓桿約2至3倍。
