【now.com財經】阿里巴巴(09988)旗下阿里雲開發嘅大型語言模型「通義千問」，推出名為Qwen-Image嘅新模型，係「通義千問」系列第1個圖像生成基礎模型。
阿里指，希望透過Qwen-Image促進圖像生成發展，降低視覺內容創作嘅技術門檻，同埋激發創新應用。
據說Qwen-Image喺精確圖像編輯方面表現好突出，模型可以生成動漫、復古、科幻及超現實等圖片，據資料顯示，連網民之前大力追捧，玩到洗晒板嘅吉卜力風格都難唔到Qwen-Image，一樣可以生成。
阿里股價今日(5日)受壓，一度跌1.3%，低見114.6元，其後跌幅收窄。
