【Now財經台】鵬高控股集團(01865)今日(4日)一度炒高逾17%，高見0.3元，其後升幅收窄，公司最新有兩個動作，首先係建議增加法定股本，由1億元增至5億元，同埋配售1.2億元可換股債券(CB)，點睇鵬高呢兩個動作？
《香港股票財技密碼》作者梁杰文指，依家大股東持股量非常低，但因為有集資需要而發CB，但須經過股東特別大會批准，始終呢批CB規模非常大，若CB持有人行使可換股債，佔公司已發行股本約75%，公司股權架構，甚至主要股東都會出現大變動。
Mike續指，以往嘅上市規則或會禁止呢類交易，因為鵬高冇資金鏈斷裂或負債高問題，只係純粹集資發展新業務，佢形容有少少踩界，有少少賣殼味道，到底港交所(00388)批唔批，真係會有少少灰色位。
