【Now財經台】國家發改委表示，依法依規整治企業無序競爭，著力要應對「反內捲」問題。外賣平台美團(03690)、京東集團(09866)及阿里巴巴(09988)旗下餓了麼發文指，要堅決抵制「內捲式」競爭，其中，餓了麼及京東承諾會抵制「0元購」，「反內捲」升級會點影響呢啲公司？
紅蟻資本投資總監李澤銘指，減價、補貼活動屬於營銷一部分，具體執行唔可以做「0元購」，但「1元購」、「2元購」仲可唔可以做，仍然係未知之數。京東加入競爭後，3家外賣平台需要一段時間嘅企業競爭，去釐定及劃分市場份額及勢力範圍，但依家遠遠未達到平衡點，京東作為新競爭者，若冇新方法推銷，好難保持現有地位，呢段時間股價波動，反映市場以觀望為主。
Alan又話，消費者對價格敏感，若取消補貼活動，回復之前價格水平，需求就會急降，若停止「內捲」，電商平台嘅利潤可能會回復，並會率先反映喺股價上。
