【Now財經台】遠東控股國際(00036)股價今日(1日)低開約16%，開市報0.47元，見咗暫時即市高位，其後跌幅一度擴大至57%，低見0.24元，成交股數較過去100日平均大增20倍，暫時成交金額約190萬元。
集團昨日(7月31日)公布收購物業服務公司，刺激股價逆市抽升，不過，港交所(00388)昨晚指，遠東控股業務不足以維持營運水平，若公司喺限期前唔提出覆核，或須喺8月12日停牌，消息隨即震散股價，並創新低。
睇返技術走勢，雖然遠東控股今日中午前跌幅收窄，但只係去返年初低位，由於停牌危機不確定性好大，散戶似乎都不宜沾手。
